Мақсаты: Нерв жүйесінің адам өміріндегі маңызы түсіндіру. Нерв жүйесінің құрылымдық элементтерінің физиологиясымен және жастық ерекшеліктерімен таныстыру.

Сұрақтар:

1 Жүйке жүйесінің маңызы.

2 Нерв жүйесінің құрылымдық және функционалдық бірлігі — нейрон. Нейрондардың жіктелуі.

3 Нерв талшығының құрылысы мен қызметі, жіктелуі.

4 Синапс, классификациясы.

5 Рефлекс, оның түрлері. Рефлекс доғасының жалпы схемасы.

6 Нерв орталығы, оның қасиеттері.

Негізгі қызметі ақпаратты тез және дәл беру, жинақтау болып табылатын нерв жүйесі мүшелер мен мүшелер жүйесін  бір-бірімен байланыстырып, ағзаның біртұтастығын қамтамасыз етеді; оның қоршаған ортамен қарым-қатынасы  әр түрлі мүшелердің қызметін реттеп, үйлестіреді, біртұтас жүйе ретіндегі бүкіл ағзаның қызметін өзгермелі қоршаған және ішкі орталар талаптарына бейімдейді. Нейрон ­нерв жүйесінің ақпаратты қабылдауға, өңдеуге, сақтауға, беруге және интеграциялауға бейімделген құрылымдық және функционалдық бірлігі. Нейрон денеден және өсінділерден тұрады. Нерв жүйесі құрылымдарының негізгі қасиеттері мен қызметтері: тітіркенгіштік, қозғыштық. Нерв қызметінің негізгі нысаны рефлекторлық актілер болып табылады. Рефлекс – ағзаның сыртқы және ішкі орта тітіркендіргіштеріне орталық нерв жүйесінің қатысуымен жауап беруі. Рефлекс кезінде қозу жүретін жол рефлекс доғасы деп аталынады.

Бақылау сұрақтары:

1. Нерв ұлпасына қандай қасиеттер тән?

2. Нейронның қандай түрлерін білесіз?

3. Рефлекстің түрлерін атаңыз?

4. Рефлекс доғасы қандай элементтерден тұрады?