Дәріс мақсаты: Оқу жұмыстарын жоспарлауды, сабақтың мақсаты мен мазмұнын анықтау; оқыту әдістері мен құралдарын таңдай алу, білім мен іскерлікті бекіту, оқушылардың білімдерін тексеру, үйге тапсырма беру сияқты негізгі жұмыстармен таныстырып дағдыландыру.

Тақырыпқа қатысты сұрақтар:

1. География сабағы.  География сабағының сипаты.

2. Оқу жұмыстарын жоспарлау.

3. Білім мен іскерлікті тексеруді ұйымдастыру формалары.

4. Үйге тапсырма беру;

Тақырыптың қысқаша мазмұны (тезистер):

Сабақ географияны оқытудың негізгі формасы. Оқу жұмыстарын жоспарлау. Жоспарлау түрлері. Оқушылардың өз бетінше жұмыс істегі мен шығармашылық белсенділігін дамытуда тақырыптық жоспарлаудың рөлі, тақырыптық және күнделікті сабақ жоспарларының өзара байланысы, күнделікті сабақ жоспарында оқытушы мен оушылар арасындағы байланыстың бейнеленуі. Оқушының сабаққа даярлануы. Сабақтың мақсаты мен мазмұнын анықтау; оқыту әдістері мен құралдарын таңдап алу. География сабағында оқыту процесінде оптимизациялаудың негізгі жолдары.

География сабағының сипаты. Оқушылардың білімі мен іскерлігін тексеру, оның бақылаушылық және білім беру қызметі. Тексерудің мазмұны. Оқушылардың өз бетінше таным әрекеті деңгейлеріне байланысты тексеру сұрақтары мен тапсырмалардың әр түрлі дәрежеде болуы. Білім мен іскерлікті тексеруді ұйымдастыру формалары. Тексеру формаларын таңдаудың мазмұнға, жас ерекшелікке және оқушылардың білімі мен іскерлігі қалыптасуына байланыстылығы. Ауызша, жазбаша және графикалық тексеруді пайдалану. Тапсырмалардың түрлері: толық жауап беруді талап ететін сұрақтар мен тапсырмалар, құрылымдық, сауалнамалар. Білім мен іскерлікті тексеру процесінде оқушылардың белсенділігін арттыру әдістері.

Жаңа материалды оқып үйрену. Мектеп географиясы мазмұнының теориялық дәрежесі артуы мен байланысты жаңа материалды оқып үйренуге қойылатын талап. Оқушылардың жаңа білімдерді қабылдауға даярлығы.  Оқып үйренетін материалды мағынасына қарай өлшектерге бөлу, олардың әрқайсысынан танымдық тапсырмалар түзу. Білім мен іскерлікті қалыптастырудың әртүрлі кезеңінде оқушылардың белсенділігін артттыру әдістері: қабылдау, мәнін түсіну, ойда сақтау, талдап қорыту және жүйеге келтіру, практикада қолдану. Жаңа материалды оқып үйренуде проблема қою.

Білім мен іскерлікті бекіту. Білімді “үлгі бойынша ” және шығармашылық қолдануды талап ететін сұрақтар мен тапсырмаларды пайдалану.

Үйге тапсырма беру; оның маңызы. Тапсырмаларды білім көздеріне қарай жіктеу. Оқушыларға дифференциалды бағалай отырып жеке оқушыларға және топтарға берілетін үй тапсырмалары.

Географиядағы негізгі сабақ түрлерінің сипаттамасы: аралас, жаңа материалды оқып үйрену, қорытындылап қайталау; өз беттерімен жүргізілетін және сарамандық жұмыстар. Оқытудың лекция семинар формалары, оларды Қазақстан және дүниежүзілі экономикаылық және әлеуметтік географиясы курстарында пайдалану мүмкінділігі.

Өзін-өзі бақылау үшін тапсырмалар;

1. Сабақтың негізгі типтерін, оқытудың басқа формаларын,  құрылымын баяндаңыз.

2. Мұғалімнің сабаққа дайындығының негізгі параметрін анықтаңыз.

3. Мұғалімнің сабақты бағалауда неге көңіл бөлуі қажет.

4. Семинар – сабақтардың дидактикалық рөлі қандай.